teknologia berriak hezkuntzan

http://www.hikhasi.com/artikulua/707

Teknologia berriak gehiegi gustatu ez arren, Ikerrek dioenarekin bat natorrenez, teknologia berriek ateak zabaltzen dizkigutela, ezin uko egin, ikastetxeetan teknologia berrriak izateari.

euskararen erabilera interneten

http://www.hiru.com/teknologia_berriak/albisteak/2008/04/21/282157
Aurreko klase batean wikipedia bezalako entziklopedien inguruan hitz egiten egon ginen. Gaurko artikulua horren inguruan doa, zehazki, euskaraz dagoen wikipediaren inguruan.
Interneten zehar informazioa euskaraz bilatzea gero eta errazagoa dela erakusten digu artikuluak, beraz berri pozgarria gaurkoa.

ETORKIZUNEKO IKASGELAK

http://youtube.com/watch?v=tu2ZxtJrJTg
Gaurkoan bideo bat aurkitu dut. Interesgarria iruditu zait Gorka J. Palacios-ek dioena, bi gai oinarri hartuta ikastetxeek zertan hobetu eta aritu beharko duten hemendik aurrera baitio, modu argi eta ulerkorrean.
Bera denez aditua, nik datuak eman ordez, hobe duzue bideoa ikustea.

Hemen jarri dudan linka erabiliz youtubera iristen zara, bertan, erlazioa duten bideoen zailean pertsona beraren bideo gehiago daude teknologia berrien inguruko kontzeptu ezberdinen inguruan informazioa emanez. Edozer behar izanez gero beraz, badakizue!

ITK lanarekin hasi gara

Artikuluren baten inguruan ez bada arraroa egiten zait hemen idaztea, baina tira.

Izan gara aukeratutako ikastolan informazio eske. Ez digute inongo trabarik jarri, zuten informazio guztia gure eskuetan jarri dute.

Beraz, orain lanak egitea besterik ez zaigu falta.

Gaur egungo egoera

http://www.hikhasi.com/artikulua/990
Gaurko artikulua Hik Hasi aldizkaritik ateratakoa da.
Bertan dioena interesgarria delakoan nago. Milaka asmakuntza teknologiko eman edo egiten dira gaur egungo gure gizarte garatu honetan, baina asmakuntza asko, soilik asmakuntza izaten geratzen dira, berrikuntza teknologiko izatera inoiz iritsi gabe.
Hau modu egokian eta testu osoa laburtu asmoz esaldi hau idatzi du idazleak. Ados nago berarekin: "Hezkuntza teknologia "desteknifikatzearen" garrantzia azpimarratu izana espero dugu, hori egin behar baita "asmakuntza teknologikoa" "berrikuntza teknologiko" izatera pasa dadin nahi badugu."

INFORMAZIO GUZTIA INTERNETEN!?

http://revista.consumer.es/web/eu/20060101/internet/
Albisteak ongi dioen moduan, gaur egun ez ditugu liburuak, entziklopediak, erabiltzen informazioa aurkitzeko. Dena ordenagailuen bidez, zehazki, interneten bidez, eskuragarri dugunez, liburuak albo batera utzi ditugu.
Askoz ere komodoagoa da ordenagailu aurrean eseri eta hiru tekla sakatu orduko behar dugun guztia pantailan izatea. Beraz, zentzu honetan teknologia berriek eskaintzen dizkiguten abantaila izugarri hauek direla eta, normalean ordenagailuekin zailtasunak izaten dituztenak ere interneten nabigatzera gonbidatuko nituzke.
Ziur ez zarela damutuko!

Ikastolen Elkarteko proiektu berria

http://www.ikasys.net/wordpress/?page_id=2
Atzokoan ea ez ote ditugun haurrak ordenagailuen aurrean goizegi jartzen esaten nuen. Gaurkoan, ikastolen elkarteak haurrak oso goiz informatizatuz, irakaskuntza metodo berri bat proposatzen dutela erakutsi beharrean nago. Atzokoan esandakoak gaur ere oraindik pentsatzen ditudan arren (teknologia berriak bai, baina tamainan eta superbisiopean), proiektu honek funtzionatuko duelakoan nago. Ikasle bakoitzaren erritmoa errespetatzen duenez egokia izango dela uste dut.

Zuek zer deritzozue!?

http://revista.consumer.es/discapacitados/eu/20040501/internet/
Agian goizegi esertzen ote ditugu haurrak ordenagailuen aurrean?
Nire iritziz, garrantzitsuak eta oso erabilgarriak gerta daitezkeen arren, zenbaitetan artikuluak dioen moduan, arriskutsuak gerta daitezke. Erabili behar dituzten arren, tamainan eta beti ere heldu baten superbisiopean erabiltzea dela egokiena uste dut.

LEHEN EGUNA

Kaixo!
Nagore Uranga naiz, 21 urte dituen oriotarra.
Lagunekin egotea eta dantza egitea dut gustuko. Teknologia berriekin oso ondo moldatzen ez naizen arren, tarteka erabiltzen ditut.